Біртұтас тәрбие бағдарламасы

«Біртұтас тәрбие» БАҒДАРЛАМАСЫ

Мемлекет Басшысы Қасым-Жомарт Тоқаевтың тапсырмасына сәйкес 2023 жылы «Әділетті Қазақстан – Адал азамат» Ұлттық құрылтайының екінші отырысында «Біртұтас тәрбие» бағдарламасы әзірленіп, барлық білім беру ұйымдарына енгізілді.

Қазақстан Республикасының Президенті Қ. Тоқаевтың тапсырмасына сәйкес 2024 жылы «Адал адам – Адал еңбек – Адал табыс» Ұлттық құрылтайының үшінші отырысында «Біртұтас тәрбие» бағдарламасының мазмұны жаңартылды.

Мемлекет дамуының біртұтас көзқарасы және оған қол жеткізу үшін қоғамның күш-жігерін шоғырландыру белгіленді, сонымен бірге біздің еліміздің болашағының бейнесі «Әділ Қазақстан – жауапты азамат – прогрессивті ұлт» үштігінде көрініс табады. Үштіктің осы құрамдас бөліктері бір – бірімен тығыз байланысты және өзара шартталған, күшті демократиялық институттары және Заң мен тәртіптің салтанат құруын қамтамасыз ететін дамыған құқықтық жүйесі бар әділ мемлекетті қалыптастыруға бағытталған елді жаңғырту мен одан әрі дамытудың стратегиялық бағытын білдіреді-біздің саясатымыздың іргелі қағидаты. Бұл «Біртұтас тәрбие» бағдарламасының басты идеясы болды.

Ұлт бейнесін анықтайтын негізгі құндылықтар бағдарламаның мазмұнына енгізілген, бұл:

• тәуелсіздік және отаншылдық;
• бірлік және ынтымақ;
• әділдік және жауапкершілік;
• заң және тәртіп;
• еңбекқорлық және кәсіби біліктілік;
• жасампаздық және жаңашылдық

«Әділеттілік – принцип ретінде, жауапкершілік – негіз ретінде, прогресс – мақсат ретінде» Бағдарламаның негізгі хабарламасы болып табылады.

БАҒДАРЛАМАНЫҢ МАҚСАТЫ:

• рухани-адамгершілік қасиеттерді, азаматтық жауапкершілік пен патриотизмді, парасаттылық пен адалдықты дамыту арқылы қазақстандық мәдениеттің құндылықтары негізінде білім алушының үйлесімді дамыған тұлғасын қалыптастыру.

• Бағдарламаны іске асыру құндылыққа бағытталған және құзыреттілікке негізделген тәсілдерге негізделген. Олар оқыту, тәрбиелеу және дамытуды біріктіруге бағытталған.

• Құзыреттілік тәсілді іске асыру шеңберінде түйінді құндылықтарды тәрбиелеу негізінде білім алушыларда түлектердің моделін жиынтықта айқындайтын түйінді құзыреттер дамуы тиіс:

• ұлттық мүдделерді ілгерілету;

• тиімді байланыс;

• қоғамға қызмет ету;

• қоғамның нормаларын құрметтеу және сақтау;

• жоғары нәтижелерге қол жеткізуге ұмтылу;

• түпнұсқа идеяларды құру мүмкіндігі.

Ай сайын өткізілетін тұрақты іс-шаралар білім алушылардың біртұтас тұлғасын қалыптастыруға бағытталуы тиіс:

Қыркүйек - еңбекқорлық және кәсіби біліктілік айы;

Қазан - тәуелсіздік және отаншылдық айы;

Қараша - әділдік және жауапкершілік айы;

Желтоқсан - бірлік және ынтымақ айы;

Қаңтар - заң және тәртіп айы;

Ақпан - жаңашылдық және жасампаздық айы;

Наурыз - тәуелсіздік және отаншылдық айы;

Сәуір - еңбекқорлық және кәсіби біліктілік айы;

Мамыр - бірлік және ынтымақ айы;

КҮНДЕЛІКТІ:

«Ұлттық ойын – ұлттық қазынасы» білім алушылардың бос уақытын ұйымдастыру

«Өнегелі 15 минут» ата-аналардың баласымен күнделікті 15 минут бойы жеке әңгімелесу өткізуі

«Үнемді тұт» - табиғи ресурстарға ұқыпты қарауды қалыптастыру

«Күй күмбірі» үзілістегі қоңыраулардың орнына күйлерді пайдалану

АПТА САЙЫН:

"Менің Қазақстаным" Қазақстан Республикасының Әнұранын орындау

Аптаның дәйексөздері - оқу және сабақтан тыс жұмыстардың лейтмотиві

"Қауіпсіздік сабағы" - білім алушылардың жеке қауіпсіздігін сақтау туралы сынып сағаты аясында 10 минут

АЛДЫН АЛУ ШАРАЛАРЫ

Цифрлық әлемде қауіпсіз қадам;

Буллингтен қорған!

Ойынға салауатты көзқарас;

Өмірге салауатты қадам;

Қоғамдық мүлікті қорға!

Қауіпсіз қоғам.

ЖОБАЛАР

«Балалар кітапханасы», «Қамқор», «Еңбегі адал – жас өрен», «Шабыт», «Ұшқыр ой алаңы», «Smart bala»